Кошаркарите на Партизан претрпеа нов гостински пораз во Евролигата. Овој пат во Тел Авив подобар од српскиот тим беше Макаби кој славеше со 90-81. Домаќините беа подобриот противник во поголемиот дел од мечот, а умешно ја задржаа предноста до самиот крај и покрај обидите на белграѓани за враќање на неизвеноста.
Кевин Пантер го предводеше Партизан со 22 поени и 3 асистенции, додека лидер на Макаби беше Лоренцо Браун со 21 поен и 5 асистенции.
Барселона стигна до 12 победа во најсилното европско првенство откако славеше на гостувањето кај Асвел со 75-82. Во неизвесниот натпревар победникот беше решен во последните минути кога шпанскиот состав направи серија од 8-2.
Фал беше прво име на мечот со 23 поени и 6 скока, додека со 19 поени и 4 скока гостите ги предводеше Миротиќ.
Валенсија успеа да стави крај на серијата од два порази во низа совладувајќи го актуелниот шампион Ефес со 81-71.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
