Ракометарките на Вардар се подготвени за атакот на големиот трофеј во Лигата на шампионите, титулата што во претходните сезони им се лизгаше низ прстите на „црвено-црните“ на Ф4 турнирот во Будимпешта.
Унгарската престолнина и годинава е домаќин на женската ракометна елита, а „вардарки“ со игрите во текот на целата сезона покажаа дека се зрели за големата титула. Во текот на првата фаза македонскиот првак забележа шест победи, во главната групна фаза имаше пет победи и еден пораз (во Франција од Мец), за во четвртфиналето два пати да слави и над Митјиланд.
Јасно е, најтешкото допрва следи, но „црвено-црните“ имаат и квалитет и искуство за да одговорат на овој предизвик и во својата последна заедничка сезона да се искачат на тронот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
