Македонската ракометна репрезентација ќе се сретне со соодветната селекција на Романија во првиот од двата предвидени бараж дуели во квалификациите за СП 2023 што ќе се одржи во Полска и во Шведска.
„Црвено-жолтите“ се надеваат на продолжување на настапите на големите натпреварувања, а прва задача ќе биде да се елиминираат Романците. Првиот дуел од овој двомеч ќе се игра во Скопје на 14 март, а реваншот на теренот на противникот шест дена подоцна.
Доколку Македонија ја мине првата пречка, втората и последна барикада на патот до мундијалски билет ќе мора да биде надмината во месец април (11 и 17 април се датумите за одигрување на овие средби).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
