Ракометарите на Еурофарм Пелистер 2 стигнаа до убедлив триумф (24-29) на гостувањето кај новајлијата Скопје во 6. коло од ракометната Суперлига на Македонија. Домаќините одиграа солидно прво полувреме во кое на пауза заминаа со негатива од само два гола 12-14.
Сепак, битолчани во вториот дел ја покажаа разликата во квалитет и на крајот стигнаа до сигурен триумф од 24-29. Цветан Кузмановски со шест гола беше најефикасен кај победникот, додека кај поразените по четири постигнаа Василевски и Мишевски.
Во вториот натпревар во понудата од 18 часот во трилер натпревар Бутел стигна до минимална победа над Радовиш од 21-22.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
