Пелистер е меѓу најактивните суперлигаши од почетокот на преодниот рок откако битолчани денеска го официјализираа и петтиот трансфер, потпишувајќи договор со поранешниот младински репрезентативец Виктор Златевски.
„Виктор Златевски е петто ново име во ростерот на КК Пелистер за сезоната 2026/27. Клубот потпиша договор на една сезона и ќе го претстави Златевски на почетокот на подготовките за новата сезона. Се работи за 25-годишен бек, кој своевремено беше дел од селекцијата до 18 години на Македонија. Во Битола доаѓа од Феникс 2010, а претходно ги носеше дресовите на Гостивар, Работнички и ФМП Академија. Минатата сезона имаше просек од 10.7 поени, 1.6 скока и 2.6 асистенции по натпревар“, објавија битолчани.
„Зелено-белите“ претходно ги потпишаа и Иван Сапунџиев, младинскиот репрезентативец Ќириловски, Благој Димитриев и Американецот Алонзо Денинг.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
