Кошаркарите на Пелистер ќе ги играат во финалето против МЗТ Скопје Аеродром во битката за титула во Првата македонска кошаркарска лига откако славеа со 2-0 во полуфиналната серија против ТФТ Скопје.
„Пелистерци“ и во вториот полуфинален меч триумфираа на гостувањето против ТФТ во Скопје со 82-84.
Битолчани одлично го почнаа мечот добивајќи ја првата четвртина со 27-34, меѓутоа домашните потоа полека активно се враќаа во игра за максимална израмнетост во последната четвртина во која ТФТ дојде и до предност во еден момент. Меѓутоа, Пелистер во последната минута влезе со предност од 78-82, која успеаја да ја сочуваат до крајот за конечна победа од 82-84.
Андреј Маслинко го предводеше Пелистер до победата со 23 поени и 11 скока, Карпентер го заврши мечот со 20 поени, а Карутерс постигна 17 поени. Мекбраер беше најдобар кај ТФТ со 17 постигнати поени.
Пелистер ќе ги игра повторно во финалето на домашниот шампионат, и повторно против бранителот на титулата МЗТ Скопје Аеродром.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА