Ракометарите на Е. Пелистер не успеаја да приредат изненадување против Спортинг во Лисабон во 11. коло од Лигата на шампионите доживувајќи пораз од 30-24.
Битолчани имаа квалитетно прво полувреме низ кое успешно парираа на домашните, заминувајќи со негатива од само еден гол (14-13) на паузата.
Но, во вториот дел Спортинг до 48 минута дојде до предност од пет гола разлика, 25-20, по што веќе полека се кршеше отпорот на македонскиот шампион. Во еден момент Португалците имаа и осум гола разлика, за да на крјот се заокружи на 30-24.
Кузмановски беше најефикасен во македонскиот тим со 6 гола, додека Хосни заврши со пет погодоци. Кај Спортинг се издвои Салвадор со 8 гола.
Пелистер со 6 бода сега е на седмата позиција во групата А, со ист број бодови колку и Висла Плок, која денеска изненадувачки славеше со 28-31 на гостувањето против ПСЖ.
Во останатите денешни мечеви, Веспрем на гости триумфраше против Динамо Букурешт со 26-33, а Фуксе Берлин со 36-29 ја победи Фредериција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
