Менаџерот на Манчестер Сити, Пеп Гвардиола истакна дека се воодушевува на Марсело Биелса човекот кој по пауза од 16 години го врати Лидс Јунајтед во англиската Премиер-лига.
„Марсело направи неверојатна работа. И минатата сезона беа сјајни, но не се пласираа во Премиер-лигата. Покажаа карактер и успеаја во тоа оваа година. Не играв за него како фудбалер и поради тоа тешко е да зборувам за него. Но, сум слушнал стотина фудбалери кои играле за него и имаат само пофални зборови. Јас сум среќен што имав шанса да разговарам со него. Тој е единствен во светот на фудбалот поради специфичниот стил. Тој е автентичен тренер. Никој на светов не игра како него“, изјави Гвардиола.
Шпанскиот стратег додава дека Биелса е во врвот на најдобри тренери во светот без разлика на тоа што во кариерата нема водено европски гиганти.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
