Претседателот на Реал Мадрид, Флорентино Перез кој е еден од главните творци на новото натпреварување, Суперлигата, во интервју изјави дека и покрај сите обвинувања од фановите и дел од спортските работници, вели дека таа е формирана како би се спасил фудбалот.
„УЕФА е монопол. Ние ја создадовме лигата како би го спасиле фудбалот. Истото го направив кога дојдов и во Реал Мадрид. Застанав на негово чело како би го спасил клубот во тешки моменти. Се што правам во животот е за доброто на фудбалот. Во 50-те години беше создаден КЕШ за да се спаси фудбалот, сега го правиме истото со Суперлигата. Со актуелната ЛШ сите ние ќе продолжиме да се давиме“, вели Перез.
12-те најбогати клубови во Европа одлучија да формираат натпреварување во кое само тие ќе играат меѓусебно, што доведе до бројни критики од целиот свет, а ФИФА и УЕФА веќе размислува за големи казни за овие клубови, како што се исфрлување од тековните натпреварувања под нивно покровителство како и забрана за играчите од овие тимови на Континенталните и Светски првенства.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
