Претседателот на Реал Мадрид, Флорентино Перез, е подготвен да го смени Жозе Мурињо доколку не почне да победува во серија и не ја стави во ред ситуацијата во соблекувалната, и на негово место да го постави Дидие Дешан кој по Светското првенство ја напушти селекторската функција во француската репрезентација.
Оваа веста веќе ја објавија неколку медиуми меѓу кои е и „Марка“ и тоа само неколку часа пред дуелот на Реал Мадрид со Севиља во рамки на деветтото коло во Ла Лига.
Наводно, Перез на блиските соработници им рекол дека Мурињо не е недопирлив и дека е подготвен да го замени со Дидие Дешан.
Реал Мадрид вечерва ја пречекува Севиља на „Сантијаго Бернабеу“ и доколку не триумфира, по само девет кола би заостанувал осум или девет бодови зад Барселона. Згора на тоа идниот викенд ќе се игра Ел Класико, Барселона на својот „Камп Ноу“ ќе го пречека Реал Мадрид.
Во Лигата на шампионите, „кралевите“ имаат две победи во првите две кола над Интер и Рома, но екипата не изгледаше најдобро на овие дуели.
На Перез му се допаѓа тоа што Дешан има одлични односи со Килијан Мбапе со кого во 2018 година стана светски шампиони, а четири години подоцна играа во финалето каде загубија од Аргентина.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
