Хрватскиот интернационалец Иван Перишиќ би можел и претстојната сезона да игра во Бундес-лигата иако се раздели со Баерн Минхен по едногодишната позајмица и се врати во Интер. Сепак, тренерот Антонио Конте најверојатно нема да смета на неговите услуги, па јасно е дека крилниот играч набрзо ќе мора да ја одбере следната дестинација.
Најмногу интерес за Перишиќ повторно има од Германија иако во најава беше и можен трансфер во Манчестер Јунајтед. Сепак, три германски бундеслигаши се најмногу заинтересирани да го видат во тимот. Тоа се Баер Леверкузен, Херта и Лајпциг.
Перишиќ има договор со Интер до јуни 2022 година, но очигледно е дека нема да се задржи на „Џузепе Меаца“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА