Одбранбениот фудбалер на Барселона, Жерар Пике, одлучи да стави крај на настапите во репрезентацијата на Шпанија. Во пресрет на стартот на новата сезона, утрешниот дуел од Суперкупот меѓу Барселона и Севилја, Пике објави дека нема веќе да настапува за „црвената фурија“. Тој заминува во репрезентативна пензија со 102 настапи за селекцијата на Шпанија.
„Зборував со Луис Енрике и му ја соопштив мојата одлука дека е време да се повлечам од националниот тим на Шпанија. Имав навистина одлични мигови и среќен сум што бев дел од успесите“, изјави Жерар Пике.
Дефанзивецот на Барселона беше жестоко критикуван и поради својот став за независност на Каталонија, а фановите бараа тој да си замине од репрезентацијата на Шпанија. По неуспехот на „црвената фурија“ на Светското првенство во Русија, Жерар Пике ја донесе својата конечна одлука.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
