Барселона повторно е нокаутирана во „Ла Лига“, откако каталонскиот гигант вечерва загуби на гостувањето против Леганес со 2-1, меч што го одбележа катастрофалната грешка на Жерар Пике при победничкиот гол за домашниот тим.
Барса имаше водство по првиот дел со прекрасниот волеј на Кутињо, Меси ја погоди гредата и се чинеше дека вторите 45 минути ќе бидат рутина. Сепак, Леганес го докажа спротивното откако за само неколку минути направи целосен пресврт. Најпрвин Ел Жар го совлада Тер Штеген за 1-1, за веднаш потоа да биде комплетиран пресвртот, Пике му ја даде топката во нозе на Оскар Родригез, а овој без многу мака го искористи подарокот, од петнаесетина метри биејќи од прва во мрежата на Барса.
Валверде го пушти Суарез на терен на местото на индиспонираниот Мунир, потоа во игра влегоа и Малком и Жорди Алба, но Барса се мачеше да наметне иницијатива. Единствените две шанси во рок од неколку секунди ги пропуштија Кутињо и Ракитиќ, кои одлично шутираа, но домашниот голман со две извонредни интервенции си ја сочува мрежата.
Coutinho with another astonishing golazo. This man doesn’t know how to score normal goals.pic.twitter.com/9ApGOQlynW
— BU vids (@BarcaRaw) September 26, 2018
Second goal was from a Real Madrid loan player Oscar Rodriguez pic.twitter.com/9f1HXGIhZh
— Hot Since 86 ?? (@CesarAvellan) September 26, 2018
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
