Миралем Пјаниќ останува цврсто на одлуката да направи трансфер во Барселона. Преговорите меѓу каталонскиот клуб и Јувентус на оваа тема и натаму траат иако е јасно дека пропадна опцијата за своевидна размена со Артур Мело кој објави дека сака да остане во Шпанија и да успее таму.
Пјаниќ не бил заинтересиран ниту за Челси, ниту за Пари Сен Жеремен, клубовите кои имале конкретни понуди. Босанецот експресно ги отфрлил иако и двата клуба наводно биле многу упорни.
Компликацијата настана поради тоа што коронакризата направи финансиски проблеми кај клубовите вклучувајќи ја и Барселона. Затоа клубот се обидува да го добие Пјаниќ, а да испрати играчи во Италија. Ако не може да се направи ова, Барса ќе мора да продава фудбалери за да дојде до парите за посакуваниот играч.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА