По поразот од Јуниот во претходното коло, Работнички им се врати на победите откако во четвртото коло од плејаут фазата на Суперлигата славеше убедливо со 39-19 против „фенерџијата“ Астраион од Струмица. Скопскиот состав текот на мечот го назначи од самиот почеток и во ниеден момент не дозовли гостинот да се надева на победа.
Астраион парираше само во почетните минути по што следеше игра во серии на Работнички со која до полувремето „црвено-белите“ поведоа со убедливи +15 (20-5). Текот на мечот не се промени ниту во второто полувреме во кое центарци дополнително ја зголемија предноста и ја потврдија фаворитската улога.
Добревски и Ќосевски беа предводници на Работнички со по седум гола, додека еден помалку додаде Дука. Кај гостите од Струмица седум гола постигна Касапов, додека по четири погодоци додадоа Јанковски и Ефтимов.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА