Каролина Плишкова славеше во дерби-пресметката на второто коло од женскиот турнир на Вимблдон, совладувајќи ја Викторија Азаренка со 2-0 во сетови. Чешката тенисерка во претходните пет години редовно испаѓаше токму во втората рунда од британскиот гранслем турнир, но овојпат Плишкова одигра одличен меч и заслужено славеше над квалитетната ривалка со 6-3, 6-3.
Нејзина следна противничка ќе биде Бузарнеску од Романија, која денеска славеше на дуелот со Бритакната Свон со убедливи 6-0, 6-3.
Милош Раониќ прв стигна до пласман во третото коло во машка конкуренција, откако Канаѓанецот со три тајбрејка успеа да триумфира над Австралиецот Милман (7-4, 7-4, 7-4).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
