Каролина Плишкова го направи најголемиот успех на земјен терен во досегашната кариера. Ја освои титулата на Мастерсот во Рим победувајќи ја во финалето со 2-0 во сетови Јоана Конта.
Триумфот во главниот италијански град значи дека Плишкова од понеделник ќе биде на втората позиција на ВТА листата и ќе биде втора носителка на Ролан Гарос кој почнува на 26 мај.
Против Конта, Плишкова загуби три гема во првиот и четири гема во вториот сет. Таа во досегашниот дел од сезоната е тенисерката со втора најдобра победничка серија. Има 27 триумфи, пред неа е Петра Квитова со 28 победи досега.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
