Tретата носителка Каролина Плишкова од Чешка се пласираше во осминафиналето на Вимблдон, откако по тешка борба ја совлада секогаш незгодната Сиех од Тај Пеј со 2-1 (6-3, 2-6 и 6-4). Пласман понатаму обезбеди и осмата носителка Елина Свитолина од Украинка која исто така во три сета беше подобра од Сакари од Грција (6-3, 6-7 и 6-2).
Поранешната прва тенисерка на светот и шампионка од Австралија опен, Каролине Возњацки од Данска е елиминирана од Кинеската Шуај Женк со 2-0 (6-4 и 6-2). Данката подобро го отвори мечот поведувајќи со 4-0, но тоа беше се од неа. Со серија од шест гејма Кинеската дојде до водство од 1-0 во сетови. Во вториот сет само рутински ја доврши работата. Во втората седмица се пласираше, Дајана Јастремска од Украина која ја совлада Голубиќ од Швајцарија со 2-0 (7-5 и 6-3).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
