На кошаркарите од НБА клубовите им е најстрого забранет излез од комплексот „Дизни ворлд“ во Орландо каде ќе продолжи сезоната во најсиланата кошаркарска лига. Сепак, на играчите им е дозволен излез со специјални дозволи за посебни случаи.
Лу Вилијамс е петти кошаркар на ЛА Клиперс кој од „приватни причини“ го напушти Орландо. Вилијамс барал дозвола за да оди на погреб кај својот дедо. Дали навистина бил не е познато, но ја искористил можност и за добра забава во стриптиз-бар.
А, го разоткри раперот Џек Харлоу кој најпрво ја објави, а потоа брзо ја избриша фотографијата со Вилијамс, со порака: „Локација која никогаш нема да ја погодите“.
Многу брзо по објавата, Харлоу ја избриша фотографијата која, сепак, американските медиуми брзо ја снимиле откривајќи дека локацијата е стриптиз-барот „Атлантик клуб“.
Сега, Вилијамс, кој по враќањето секако го очекува строг карантин, го очекува и казна од НБА лигата која прави се да ги заштити сите кои во моментов се изолирани во „Дизни ворлд“ пред рестартот на сезоната.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
