ПМФЛ – 5. КОЛО
АК. ПАНДЕВ – СКОПЈЕ 3-0
Митровски 12′, Цикарски 79′, Трајков 83′
ШКУПИ – ПОБЕДА 1-1
Цефас 81′ – Галевски 84′
СТРУГА ТЛ – СИЛЕКС 2-1
Ибраими 32′(п), Шабани 82′ – Ристовски 71′
ТИКВЕШ – ШКЕНДИЈА 1-3
Спахиу 19′ – Хасани 22′, Дита 43′, Дориев 58′
МАКЕДОНИЈА ЃП – РАБОТНИЧКИ 1-1
Ѓурѓевиќ 63′ – Велкоски 49′
БРЕГАЛНИЦА – слободна
=======================================================
Фудбалерите на Струга ТЛ продолжуваат со одличните игри на стартот од сезоната во Првата македонска фудбалска лига, запишувајќи ја и петата победа од исто толку дуели, овој пат против Силекс со 2-1 во 5. коло од шампионатот. Прилепска Победа дојде до својот прв бод, и тоа на гостувањето против Шкупи среде Чаир. Шкендија убедливо со 1-3 славеше против Тиквеш во Кавадарци, а убедлив триумф и на „пандевци“.
На дуелот кој се одигра во Струга, избраниците на Срѓан Захариевски до предноста дојдоа со голот на Бесарт Ибраими од пенал во 32. минута од средбата. Претходно, Ибраими сам се избори за ударот од белата точка.
Во второто полувреме Силекс израмни преку Ристовски во 71. минута, но домашните иако со играч помалку по исклучувањето на Илиевски во 74. минута дојдоа до триумфот од 2-1 со голот на Шабани во 82. минута.
Најголемите возбудувања беа на Чаир, каде прилепска Победа дојде до првиот бод сезонава и тоа против Шкупи (1-1).
Чаирчани поведоа со голот на Цефас во 81. минута, но засилувањето на Победа, Иван Галевски во 84. минута буквално си се прошета покрај домашната одбрана за израмнување и конечни 1-1.
Шкендија со пресврт од 1-3 дојде до победа над Тиквеш во Кавадарци. Тиквеш ја шокираше Шкендија со голот на Спахиу уште во 19. минута за водство од 1-0.
Но, тетовци многу брзо израмнија, повторно по прекин, по корнерот од левата страна Ферхан Хасани во 22. минута со глава погоди за израмнување на дуелот…
Во 42. минута следеше комплетен пресврт на дуелот. По шутот на Дориев и одбиената топка од домашниот голман, Бруно Дита од непосредна близина донесе водство од 1-2 за Шкендија.
Дориев во 58. минута и самиот погоди за конечни 1-3 на натпреварот во Кавадарци.
Академија Пандев дојде до победа од 3-0 против Скопје. Домашните од 12. минута дојдоа до водство против Скопје во Струмица со голот на Митровски.
Во второто полувреме, во 79. минута погоди Цикарски за 2-0, а со голот на Трајков во 83. минута домашните заокружија на 3-0.
Македонија ЃП и Работнички ремизираа (1-1) на дуелот во Ѓорче Петров.
Капитенот Велкоски во 49. минута ги донесе гостите до предност од 0-1, но Фахрудин Ѓурѓевиќ во 63. минута ги постави конечните 1-1.
ПМФЛ – 5. КОЛО
АК. ПАНДЕВ – СКОПЈЕ 3-0
Митровски 12′, Цикарски 79′, Трајков 83′
ШКУПИ – ПОБЕДА 1-1
Цефас 81′ – Галевски 84′
СТРУГА ТЛ – СИЛЕКС 2-1
Ибраими 32′(п), Шабани 82′ – Ристовски 71′
ТИКВЕШ – ШКЕНДИЈА 1-3
Спахиу 19′ – Хасани 22′, Дита 43′, Дориев 58′
МАКЕДОНИЈА ЃП – РАБОТНИЧКИ 1-1
Ѓурѓевиќ 63′ – Велкоски 49′
БРЕГАЛНИЦА – слободна
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
