ЕКИПА во Љубљана,
Катерина Павлова Николовска, Никола Ѓуровски
Македонија може да обезбеди пласман во осминафиналето на Европското првенство доколку во натпреварот кој стартуваше од 20:30 часот Белорусија ја победи Турција. Во еден таков случај, Белорусија би имала пет бода, но без можност да ја загрози Македонија, а утре во последниот натпревар Финска и Турција меѓу себе ќе одлучуваат околу четвртиот патник во осминафиналето од оваа група после Русија, Словенија и Македонија.
Во случај, пак, ако Турција вечерва ја победи Белорусија тогаш останува до утре да го чекаме исходот од натпреварот меѓу Финска и Турција.
Со денешна победа на Турција над Белорусија, а очекувајќи го утрешниот дуел меѓу Финска и Турција, има само две опции кои нас не ни одговараат на патот до осминафиналето:
1. Победа на Турција вечерва над Белорусија со 3-0, 3-1, и било каква победа на Финска утре над Турција
2. Победа на Турција вечерва над Белорусија со 3-2, и победа на Финска утре со 3-2.
Македонската селекција, пак, во осминафиналето ќе патува во Нант, вкрстувајќи со селекција од Групата А. Можен противник, во зависност од финалната разврска во оваа група, е Франција или Италија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
