Прилепска Победа ги стартуваше подготовките за новата прволигашка сезона и со неколку квалитетни засилувања кои треба да донесат огромна свежина во тимот.
Прилепчани веќе се договорија за ангажман на довчерашните фудбалери на Пелистер, Христијан Драгарски и Ристе Маркоски, како и на играчот од средниот ред на Струга Трим Лум, Антонио Каланоски.
26-годишниот Драгаски, кој игра на дефанзивните позиции, претходно во својата кариера има настапи и за Конкордија во Романија, како и за Радник Сурдулица од Србија. Искуниорт, 32-годишен Маркоски, пак, е поранешен фудбалер на Охрид, Напредок, Брегалница и Пелистер со кого го освои и Купот на Македонија. Маркоски од вторник треба да се приклучи на подготовките на тимот.
Ново засилување на Победа ќе биде и Антонио Каланоски кој изминатава сезона настапуваше за второлигашот Струга ТЛ. Претходно во својата кариера Каланоски има настапи и за Охрид, Напредок, Еуромилк ГЛ, Металург и Силекс.
Победа веќе активно ги реализира подготовките низ кои се планирани и неколку контролни натпревари. Планирани се и неколку засилувања од странство чии имиња ќе бидат обелоденети во текот на престојнава недела.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА