Интер стигна и до третата победа во исто толку натпревари на почетокот од сезоната во Серија А, синоќа славејќи со 1-0 против Удинезе. Претходно, Јувентус, пак, ремизираше без голови на гостувањето против Фиорентина.
По ремито на „Артемио Франки“, Маурицио Сари се пожали а високата температура потенцирајќи дека тоа е причината за нешто послабата игра на неговиот тим.
Неколку часа подоцна Конте кон Сари испрати „отровни стрели“ истакнувајќи дека сега мора да биде мирен затоа што е на страна на посилниот.
„Не сакам премногу да зборувам да не се залетам. Инаку ќе мора да зборувам за буџетот и за брачната состојба. Некој треба да биде мирен и спокоен, затоа што е на страната на посилниот“ – рече Конте.
Интер и Јувентус првиот меѓусебен натпревар сезонава го очекуваат во 8. коло од Серија А во Милано.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
