Холандскиот пар во тенис, Жулиен Рожер и Весли Клоф се исфрлени од тенискиот турнир на игрите во Токио. Причината за ова е што Рожер добил позитивен тест на корона, соопштија од раководството на Светската тениска федерација (ИТФ).
Холандскиот пар беше поставен за осми носител во игра на двојки, а без борба во следното коло се пласираа тенисерите од Нов Зеланд, Даниел и Венус.
„Доктор утринава ми се јави и ми соопшти дека за жал сум позитивен. Не знам што да кажам. Навистина ми е жал. Навистина внимавав и не знам како се случи ова“, изјави Рожер.
Холанѓаните се еден од олимписките тимови кои има најмногу проблеми со коронавирусот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
