Поранешниот италијански репрезентативец Антонио Касано, упати остри критики кон италијанскиот фудбал и кон домашното првенство, споредувајќи го Милан во Италија со Милан во Лигата на шампионите.
Некогаш на натпреварите на Серија „А“ редовно се собираа 40-50 илјади гледачи, екипите имаа многу светски ѕвезди, а сега најдобрите имаат само неколку надпросечни фудбалери. Тоа е реалноста на сегашната Серија „А“.
„Италијанската лига е далеку полоша од што мислиме. Тоа го покажува и најдобрата екипа во моментов Милан која во Европа има катастрофален резултат после четири натпревари. Тоа ми потврдува дека Серија А е дури петта најдобра лига во Европа“, рече Антонио Касано.
Првопласираниот тим од Италија (Наполи) игра во ЛЕ, а Милан после четири кола го има најлошиот старт во ЛШ во историјата. Интер сега почна да игра и го совлада Шериф два пати, на Аталанта и се насмевнува елиминација, додека Јувентус е оној кој ја брани честа во Европа, и има 12 бодови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
