Скопје, Победа или Пелистер!? Кој е среќникот-еден кој ќе ја избегне преселбата во второлигашката конкуренција… Дефинитивната одлука може да падне и денеска по 35. коло од Првата македонска фудбалска лига!
За Скопје единствениот спас се чини е триумф во директната пресметка против Победа на стадионот во Автокоманда. Свесни се во составот на Љупчо Марковски дека триумфот е неизбежен во надежта во последното коло да се одлучува опстанокот во прволигашката конкуренција…
„Знаеме дека сега е клучниот натпревар за нас. Свесни сме дека триумфот мора да дојде доколку сакаме да остане надежта во последното коло да се избориме за посакуваниот опстанок“ – вели Марковски пред денешната пресметка.
А, во надеж за опстанок веруваат и во таборот на Пелистер кои, иако насочени и кон резултатот од пресметката во Автокоманда, ќе атакуваат на триумф против Шкупи во Битола. Иако и тимот од Чаир си има свои матеметики, насочувајќи се кон триумф под „Тумбе кафе“ а во желбата за европски излез следната сезона.
ПРВА ЛИГА – 35. КОЛО (16:15 ч.)
Скопје: СКОПЈЕ – ПОБЕДА
Кратово: СИЛЕКС – РАБОТНИЧКИ
Скопје: ВАРДАР – АК. ПАНДЕВ
Битола: ПЕЛИСТЕР – ШКУПИ
Тетово: РЕНОВА – ШКЕНДИЈА
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА