Нови навивачки нереди го одбележаа и 6. коло од француската Лига 1. Во дербито на колото, Ленс славеше со 1-0 против шампионот Лил, но се мина во сенка на навивачките случувања.
На полувремето гостинските навивачи фрлаа тврди предмети и пиротехнички материјали кон домашните навивачи по што домашните навивачи на Ленс втрчаа на терен и тргнаа за пресметка со гостите. Дојде до судири а поголеми инциденти спречи полицијата.
Токму поради инцидентите доцнеше и продолжението на натпреварот, а пред да продолжи дуелот и припадници на специјалните француски полициски сили се наместија пред навивачите на Ленс.
Incident et envahissement de pelouse en cours au Stade Bollaert, des incidents entre supporters lillois et lensois. #RCLLOSC pic.twitter.com/b5NJ3McWQA
— Remy Buisine (@RemyBuisine) September 18, 2021
Единствениот погодок на мечот го постигна Франковски во 74. минута. Тоа беше прва победа на Ленс во меѓусебните дуели во последните 15 години.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
