Македонската фудбалска репрезентација која играше финален бараж за пласман на СП 2022 во Катар лани во март, го дозна патот кон идното прво проширено Светско првенство во 2026 година во САД, Канада и Мексико во 2026 година.
Европската фудбалска федерација (УЕФА) го објави системот на европските квалификации кои ќе бидат различни од претходните години.
Европа за првото проширено СП со 48 селекции доби само три дополнителни места па наместо досегашните 13 европски селекции ќе играат 16.
Сите првопласирани ќе добијат директна виза, додека второпласираните како и за изминатиот Мундијал ќе одат во плејоф фаза во која преку полуфинале и финале во март 2026 година ќе се борат за дополнителните места.
Новитет е тоа што ќе има повеќе групи со помалку екипи, па наместо досегашните десет групи, сега ќе има 12 групи со по четири или пет селекции.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
