Љупчо Малинков стартуваше со победа на клупата на Пелистер. Стратеготот во својот прв натпревар како предводник на битолскиот клуб го совлада Гостивар со 89-79. Одличната игра по промената на стратегот кошаркарите на Пелисетер ја покажаа уште во првото полувреме во кое постигнаа неверојатни 56 поени и на пауза заминаа со огромна предност од плус дваесет и седум (56-29). Во третиот период продолжи одличната игра на Битолчани, кои по три четвртини ја имаа и најголема предност на мечот од плус триесет и три (77-44). Во последниот период дојде големо опуштање кај домаќините, по кое гостите успеаја да стигнат до пристоен пораз од 89-79. Цветковски со 20 и Казарновски со 17 поени беа најефикасни кај Пелистерци, додека кај Гостивар се истакна Димчевски со 23 поени.
Куманово на домашен терен во крајно неизвесен меч го совлада Еуроникел со 86-85. Натпреварот почна неизвесно, игра во која за нијанса подобро се снајдоа домаќините кои на првата пауза отидоа со минимална предност од 21-20. Добрата од крајот на првата четвртина ја пренесоа и во вториот период, а на полувреме заминаа со предност од 42-36. Во вториот дел гостите заиграа подобро. Третата четвртина ја добија со три поени разлика, а по 30 минути резултатот на семафорот изнесуваше (65-62). Неизвесноста продолжи и во последните 10 минути во кои гостите успеаја да анулираат негативата и да го однесат мечот во продолжение (79-79). Во продолженијата за нијанса беа подобри домаќините кои стигнаа до триумф од 86-85. Младеновиќ со дабл-дабл учинок од 22 поени и 10 асистенции беше најдобар поединец кај победникот, додека Атанасов уфрли 19 поени. Кај поразените Марзет имаше 19 поени, а Петровски 15.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА