„ПРЕСИНГ“ со ШАБАН ТРСТЕНА: Емотивната приказна – како златото од Лос Анѓелес ги смири со неговиот татко… Борбата со сиромаштијата, сонот да биде Мухамед Али и освојувањето на светот! (ВИДЕО)

Во единаесеттата епизода на спортскиот подкаст „ПРЕСИНГ“ на ЕКИПА првпат со нас најтрофејниот македонски спорстист на сите времиња, легендарниот Шабан Трстена.

Олимпискиот шампион од ЛОИ 1984 во Лос Анѓелес и олимписки вицешампион од ЛОИ 1988 во Сеул, освојувач на вкупно 19 медали од олимписки, светски и европски првенства, и Спортист на Југославија за 1984 година а седум пати прогласуван за Спортист на Македонија во историјата, во отворен разговор за својот живот но и професионална кариера.

Како дете од едно сиромашно семејство од Скопје на само 17 години дојде до бронза од Светско првенство, а на само 19 години и до олимписки шампион од Лос Анѓелес 1984, останувајќи и денес, после речиси 42 години со рекордот на најмлад освојувач на олимписко злато во историјата на борењето.

РАЗГОВОРИ ЗА…

• • Какво е чувството и после речиси 42 години, се уште да го држи рекордот за најмлад освојувач на златен медал во борење на Олимписки игри
  • За неговото детство, за идолот Мохамед Али кој бил негова „водач-мотиватор“ на патот до успесите
  • Макотрпниот пат на едно детенце, во сиромашно семејство со вкупно девет деца, кое живеејќи го сонот успеа да дојде до спортските височини
  • За забраната од неговиот татко да спортува, тајното тренирање, и на крај емотивната приказна за помирувањето со неговиот татко по освоениот златен медал во Лос Анѓелес 1984
  • Како на само 17 година стигна до бронзата на Светското првенство во Канада, а потоа на само 19 години стана најмлад освојувач во историјата на златен медал на Олимписки игри
  • Македонија на ЛОИ 1984 во Лос Анѓелес имаше дури пет спортисти со освоен медал. На едни олимписки игри со пет медали, а потоа цели 35 години во независноста со само два освоени медали
  • Каде погрешивме потоа, зошто спортовите кои ни носеа успеси како борењето и боксот сега ги загубивме?
  • За освоеното признание – Спортист на Југославија во 1984 година. Единствен спортист од Македонија, заедно со Шабан Сеидиу, кои биле прогласени за спортисти на Југославија во историјата
  • Македонија, федерациите и спортистите сега имаат далеку подобри услови од оние неговите за работа, има многу повеќе финансиски средства кои ги добиваат од Министерството за спорт и од општините, но вистинските резултати изостануваат
  • Како дојде до идеја да доделува „Златни олимписки оскари“ на спортски работници, медиуми и спортисти
  • За изработката на сопствената биографија „Патот на олимпискиот шампион“

ГЛЕДАЈТЕ….

ГЛЕДАЈТЕ ГИ И ПРЕТХОДНИТЕ ЕПИЗОДИ НА ПОДКАСТОТ „ПРЕСИНГ“ НА СЛЕДНИОТ ЛИНК