Претседателот на Рома славеше во фонтана, па на Рим му подари 230.000 евра

Американскиот милијардер Џејмс Палота не можеше да ги совлада емоциите по големиот триумф над Барселона и елиминацијата на каталонскиот гигант, па прослави во фонтаната на Пјаца Дел Пополо во центарот на Рим. Со оглед дека тоа е историски споменик на културата во древниот град, тој мораше да плати казна од 500 евра. Но, Палота побара прием кај градоначалничката на Рим, Вирџинија Раџи, и во знак на извинување одлучи да донира огромни 230.000 евра.

„Му се заблагодаруваме на претседателот на Рома на галантноста. После синоќешното ’нуркање’ во фонтаната, тој одлучи да направи голем гест и на градот му подари 230.000 евра за реноивирање на фонтаната покрај Пантеон“, изјави градоначалничката на Рим.

Се вчитува...