Претставници од Македонскиот олимписки комитет беа дел од престижниот ЕУ Спорт Конгрес 2025, кој минатата недела се одржа во Лил, Франција – водечки европски форум што ги обединува клучните актери во спортот, иновациите и општествената одговорност.
Настанот собра високопрофилни говорници – министри, експерти и лидери од Европската комисија и националните олимписки комитети, кои дебатираа за иднината на спортот, дигиталната трансформација и етичкото управување.
„Македонскиот олимписки комитет со гордост учествува како партнер во два европски проекти презентирани на Конгресот:
PORTAL – иницијатива што го поттикнува дигиталниот развој и комуникациските капацитети на спортските организации, создавајќи поефикасен и модерен спортски екосистем.
HERO – проект што се фокусира на правата на спортистите и создава онлајн обука за нивна едукација и заштита. Преку HIRO се истражуваат клучните предизвици и одговорности на спортските институции – од заштита на спортистите и еднаквост на теренот, до вградување на човечки права во спортското управување и одржлив развој.
Присуството на МОК на ЕУ Спорт Конгресот ја потврдува нашата посветеност на етичко управување, иновација и унапредување на правата на спортистите – денес и во иднина“, стои во соопштението на МОК.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
