Името на Нестори Иранкунда долго ќе се памети во Австралија. 20-годишниот крилен играч на Ватфорд стана херој преку ноќ за Австралија , постигнувајќи го клучен гол во 27-мата минута и со кој домаќините ја победија Турција со 2-0 во првиот натпревар од Светското првенство во 2026 година. Додека навивачите на „фудбалери“ славеа, многумина се прашуваа кој е тој млад играч чија експлозивност и ладнокрвен завршеток личеа на најголемите ѕвезди во светот.
Иранкунда е роден во 2006 година во бегалски камп во Танзанија. Неговите родители Гидеон и Дафроза избегале од родниот Бурунди каде што на крајот од деведесетите и почетокот на 2000-тите беснееше граѓанска војна и етнички конфликт. Во потрага по безбедност, семејството издржа огромни тешкотии.
„Кога избувна граѓанската војна, тие немаа избор, не сакаа да ги изгубат животите. Тато се емотивира кога зборува за тоа, а јас се обидувам да разберам низ што поминале, но тие споделија само делови од приказната со мене“, рече Иранкунда во едно интервју, потсетувајќи се на приказните на своите родители.
Кога Нестори имал само три месеци, на семејството му била дадена шанса за нов живот преку австралиската програма за бегалци. Прво се населиле во Перт, а потоа се преселиле во Аделаида. Токму во парковите и улиците на Аделаида, младиот Иранкунда, имитирајќи ги своите постари браќа, ја открил својата љубов кон фудбалот.
Неговиот татко работел како таксист, а неговите двајца постари браќа се откажале од фудбалските соништа за да може семејството да ги плати школарините на Нестори.
Неговииот талент беше очигледен. Се појави на сцената како дете играјќи за Аделаида Кроација Рејдерс, полупрофесионален клуб основан од хрватски мигранти. На само 15 години потпиша за Аделаида Јунајтед, а набрзо го имаше и своето деби во австралиската Премиер лига, станувајќи еден од најмладите дебитанти во австралиската Премиер лига.
Во ноември 2023 година беше објавено дека тој потпишал договор со Баерн Минхен, во трансфер што го сруши рекордот во австралиската лига. Сепак, прилагодувањето кон европскиот фудбал не беше лесно. Во Баерн, тој не доби шанса во првиот тим, туку играше за резервниот тим. Фрустриран од недостатокот на минути, тој побара позајмица и ја помина втората половина од сезоната 2024/25 во швајцарскиот клуб Грасхоперс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
