Металург забележа нова суперлигашка победа откако тимот од Автокоманда вечерва рутински триумфираше над Прилеп со 35-27. „Металурзите“ повторно беа со ограничен ростер, но и покрај огромните финансиски проблеми најдоа начин да се мотивираат и да стигнат до победата.
Избраниците на тренерот Марковски од самиот почеток до крајот на мечот целосно го контролираа резултатот, на одмор заминаа со 17-13, за до крајот на мечот да стигнат и до убедливи „плус осум“.
Озтурк со осум гола беше прв стрелец на Металург, седум погодоци постигна Лазаревски, а шест Златко Хорват. Најефикасен на натпреварот беше Христијан Милошевски со 12 постигнати гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
