Шведскиот напаѓач Златан Ибрахимовиќ се уште не донесе одлука околу тоа каде ќе ја продолжи кариерата. Ибрахимовиќ следниот месец ќе биде слободен фудбалер бидејќи му истекува договорот со ЛА Галакси, а најверојатно повторно ќе го гледаме во Европа, а најголеми кандидати за неговиот потпис се италијанските Милан и Болоња.
Швеѓанецот големи успеси имаше со Милан за кого играше во периодот од 2010 до 2012 година. По повод шпекулациите и неговото враќање на „Сан Сиро“ се огласи и Бразилецот Тиаго Силва. Тој призна дека поради него Златан го напуштил Милан во 2012 година и преминал во Пари Сен Жермен.
„Ибрахимовиќ ми се јави и ме праша дали е вистина дека ќе преминам во ПСЖ. Му реков дека е вистина и дека туку што потпишав договор. Тогаш ми кажа ако ти одиш во ПСЖ преминувам и јас. По неколку дена двајцата заедно бевме на тренинг во Париз“, изјави Силва.
Ибрахимовиќ за две години поминати во Милан забележа 85 настапи, на кои постигна 56 гола и 24 асистенции.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
