Селекторот Данило Брестовац веднаш се соочи со проблеми, откако првите крила на репрезентацијата не се појавија на денешниот прв собир.
„Дејан Манасков ќе ни се приклучи директно во Рејкјавик, а летот на Гоце Георгиевски доцнеше, не знаеме дали ќе може да дојде на поладневниот тренинг. Што се однесува до повредата на Манасков, мислам дека не станува збор за нешто посериозно и дека тој ќе може да игра против Исланд“ – изјави селекторот Брестовац.
Македонските ракометари ќе одржат само еден тренинг во Скопје, бидејќи утре наутро летаат за Рејкјавик. Предвидено е „црвено-жолтите“ да имаат и еден тренинг во салата на одигрување на натпреварот, единствениот на кој Брестовац ќе ги има сите ракометари на располагање.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
