На околу три часа до почетокот на првиот натпревар од плеј-оф квалификациското коло за Лигата на Европа меѓу Милан и Шкендија продадени се 38.000 билети, информираа од миланскиот клуб.
Италијанците, како што сами информираат, повторно се изненадени од високиот број продадени билети со оглед на тоа што на Апенинскиот полуостров е во тек августовскиот колективен одмор, а се уште е и предсезона во италијанскиот фудбал.
„Околу 40.000 навивачи кои ќе не поддржуваат вечерва е навистина одлична бројка“ – пишуваат од Милан.
Капацитетот на „Сан Сиро“ е 80.000 седишта, што значи еден од најголемите италијански стадион ќе биде половично исполнет.
Шкендија ќе има своја армија поддржувачи. Околу 1.500 „Балисти“ допатуваа од Македонија денеска во Милано, а се очекува уште толку иселеници од Италија и Швајцарија да дадат поддршка за македонскиот прволигаш.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА