Дека елиминацијата на Роџер Федерер не е случајност и среќа, грчкиот тенисер Стефанос Циципас потврди со пласманот меѓу четворицата најдобри на грен-слемот Австралија Опен со четвртфиналната победа над Роберто Баутиста Агут со 3-1 во сетови.
Со 20 години и 168 дена, Циципас е најмладиот што се пласирал во полуфиналето на грен-слем турнир по Новак Ѓоковиќ во 2007 година на УС Опен.
Грчкиот тенисер кој е 14. носител во Мелбурн мечот го доби за три часа и 15 минути со 7-5,4-6,6-4 и 7-6(7-2).
Во полуфиналето тој ќе се сретне со шампионот од 2009 Рафаел Надал или со нерангираниот Франсис Тијафо кои играт подоцна денеска.
Циципас стана првиот Грк кој се пласирал во четвртфинале на грен-слем турнир кога го победи Федерер во осминафиналната пресметка, а тој е најмладиот учесник во полуфиналето на турнирот во Мелбурн по Енди Родик во 2003 година.
One more set needed for Tsitsipas! #AusOpen pic.twitter.com/5ZTWNttyF2
— Eurosport UK (@Eurosport_UK) January 22, 2019
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
