Реал Мадрид уште во првите денови од отворањето на зимскиот преоден рок ќе испрати понуда до Лондон, односно до Челси, за услугите на Еден Азар. Првата понуда треба да изнезува 135 милиони евра, од Мадрид сметаат дека сумата е доволна за Челси да попушти и да се откаже од својот најдобaр фудбалер. Перез започнува операција „нов галактико“, а како прво засилување ќе се обиде да му ја исполни желбата на Зинедин Зидан.
Репрезентативецот на Белгија наводно одбил да го продолжи договорот со „сините“ и покрај тоа што според новиот договор би бил најплатениот играч во Премиер – лигата, Азар сака да го напушти „Стемфорд бриџ“ и со цел да го оствари сонот да заигра во „кралскиот“ дрес.
Сепак, според англиските медиуми Реал ќе има конкуренција за неговиот потпис, откако Манчестер јунајтед стартуваше „невозможна“ мисија во обид да го доведе Азар во своите редови, Мурињо одново ќе се обиде да го оштети својот поранешен клуб.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
