Во насока на засилена промоција на фудбалската игра на домашната сцена, ЕКИПА со избор на најдобрите од секоја рунда натпревари од ПМФЛ. Покрај тимот на колото и најдобриот играч, ќе се обидеме да ви ги доближиме и сите најинтересни моменти од секое коло, низ една рекапитулација на настаните.

======================================================================================

ТИМ НА 23. КОЛО

Натпреварувачка рунда која не донесе големи промени и изненадувања во битката за врвот и дното… Шкупи и натаму победува трасирајќи си го својот пат кон титулата, а на дното веќе се чувствува кој ќе ја напушти лигата а за кого ќе биде баражот за опстанок. Најголемото изненадување го приреди Пелистер кој остана непоразен на гостувањето против фаворизираната Ренова. Останува и за одбележување ремито на Македонија ЃП. По шест едноподруго победи „лавовите“ беа запрени од Скопје. Шкендија некако успеа да дојде до триумфот над Тиквеш, а Брегалница ја врза и втората едноподруго победа во шампионатот, овој пат убедлива против Борец.

ИГРАЧ НА КОЛОТО: Сандеј Адетунџи (Шкупи)

Повторно човек за одлука во триумфот на Шкупи. Со нов погодок, го отвори патот за победа на Шкупи и над Работнички. Во квалитетното второ полувреме на тимот еден од најзапазените поединци кои се носители на играта на чаирчани.

===================================================================================

ТРЕНЕР-ПРАГМАТИЧАР НА КОЛОТО: Љупчо Марковски (Скопје)

Скопје, по шест едноподруго кола, е првиот тим кој успеа да го запре победничкиот од на Македонија ЃП. Одлична тактичка поставеност на играта на Скопје која целосно го неутрализираше средниот ред и нападот на „лавовите“ за повеќе од заслужено реми.

=======================================================================================

ГОЛ НА КОЛОТО: Александар Вареловски (Тиквеш)

Убав погодок на Александар Вареловски со кој во тие моменти ја шокираше Шкендија израмнувајќи го резултатот. Но, сепак, до крај тетовци успеаја да дојдат до триумфот.

========================================================================================

ЛИСТА НА СТРЕЛЦИ

========================================================================================

ФОТО НА КОЛОТО: Шкупи и натаму лета….