Во насока на засилена промоција на фудбалската игра на домашната сцена, ЕКИПА со избор на најдобрите од секоја рунда натпревари од ПМФЛ. Покрај тимот на колото и најдобриот играч, ќе се обидеме да ви ги доближиме и сите најинтересни моменти од секое коло, низ една рекапитулација на настаните.

======================================================================================

ТИМ НА 23. КОЛО

Шкендија и Шкупи ја продолжуваат трката за шампионската титула со победи од 23. коло и еднакво бодовно растојание на врвот од табелата. Битката за опстанок, пак, ќе биде повеќе од неизвесна. Академија Пандев ја запиша најзначајната победа во оваа рунда натпревари, со 0-2 триумфирајќи на гостувањето против Работнички. Борец, и покрај промените за време на зимската пауза, бере пролетни бодови, а се чини единствен отпишан тим од Првата лига е Беласица. Сите други се во игра…., иако Вардар сега веќе е сосема блиску до црвената зона!

=====================================================================================

ИГРАЧ НА КОЛОТО: Марко Јовановски (Ак. Пандев)

Одличен натпревар за голманот на Марко Јовановски, најзаслужниот за триумфот на „пандевци“. Бранеше извонредно во текот на целиот натпревар, а пресуден беше и одбранетиот пенал во последните секунди од првото полувреме при водство од 1-0 за неговиот тим.

===================================================================================

ТРЕНЕР-ПРАГМАТИЧАР НА КОЛОТО: Александар Васоски – Раденко Бојовиќ (Ак. Пандев)

Александар Васоски и Раденко Бојовиќ скроија извонредна тактичка подготовка за својот тим за гостувањето против Работнички. Поради позитивен тест на Ковид-19, Васоски не го водеше тимот на „пандевци“ во Скопје, но јасно е дека заедно со Бојовиќ, кој на лице место и тоа како умешно го контролираше тимот, знаеја како да дојдат до повеќе од значајни три бода против „романтичарите“.

=======================================================================================

ГОЛ НА КОЛОТО: Филип Глигоров (Шкупи)

Филип Глигоров ја заокружи победата на Шкупи од 2-0 против Вардар со прекрасниот погодок, со шут од околу 25 метри… Неодбранливо за голманот на Вардар.

========================================================================================

ФОТО НА КОЛОТО: Тешко се брани шутот на Глигоров…