ПРВА ЛИГА ПОД ЛУПА: Струга со нов голем чекор кон титула, Шкендија и Шкупи не се предаваат

Никола Станикевски

Во насока на засилена промоција на фудбалската игра на домашната сцена, ЕКИПА со избор на најдобрите од секоја рунда натпревари од ПМФЛ. Покрај тимот на колото и најдобриот играч, ќе се обидеме да ви ги доближиме и сите најинтересни моменти од секое коло, низ една рекапитулација на настаните.

==========================================================================================================================

ТИМ НА 29. КОЛО

Фудбалерите на Струга Трим и Лум направија разлика од пет бода на првенствената табела во Првата македонска фудбалска лига откако во 29. коло на домашен терен славеа со 2-0 против секогаш незгодниот Тиквеш. Стружани го искористија „киксот“ на првиот пратител Шкендија која на домашен терен одигра реми без голови (0-0) против кратовски Силекс. Шкупи се враќа во игра за титулата откако ја декласираше Брегалница со 3-0, а победа забележа и Македонија Ѓорче Петров која славеше против Скопје со 2-1. Конечно на триумф во ПМФЛ се израдува и Академија Пандев која потешко од очекуваното триумфираше со 2-0 над „фенерџијата“ Победа.

====================================

ИГРАЧ НА КОЛОТО: Сандеј Адетунџи (Шкупи)

Фудбалерите на Шкупи се вратија на победничките патеки откако полесно од очекуваното славеа против Брегалница со 3-0. Главен виновник за одличната партија на тимот од Чаир беше Сандеј Адетунџи кој беше стрелец на два гола за својот тим со кои и заслужено го доби епитетот најдобар играч на 29. рунда во ПМФЛ.

================================

ТРЕНЕР НА КОЛОТО: Горазд Михаилов (Силекс)
Шкендија направи голем чекор назад во борбата за титулата во ПМФЛ откако ремизираше без голови (0-0) против Силекс. Најголем виновник за ова реми е тренерот на кратовци Горазд Михаилов кој одлично го подготви овој меч во кој успеа да му откине два бода на тетовскиот клуб.

==============================

ГОЛ НА КОЛОТО: Филип Мишевски (Македонија ЃП) 

Македонија Ѓорче Петров славеше против Скопје со 2-1, а натпреварот го одбележа „евроголот“ на одбранбениот фудбалер на „лавовите“ Филип Мишевски кој на неверојатен начин стрелаше од слободен удар.

 

ЛИСТА НА СТРЕЛЦИ

 

Се вчитува...