Во насока на засилена промоција на фудбалската игра на домашната сцена, ЕКИПА со избор на најдобрите од секоја рунда натпревари од ПМФЛ. Покрај тимот на колото и најдобриот играч, ќе се обидеме да ви ги доближиме и сите најинтересни моменти од секое коло, низ една рекапитулација на настаните.
==========================================================================================================================
ТИМ НА 15. КОЛО
По пет меча Струга Трим и Лум конечно стигна до победа во домашниот шампионат и тоа веројатно во најважниот натпревар оваа есен против тетовска Шкендија од 1-0. Натпревар кој може многу да одлучува на крајот на сезоната, стружани го добија и со тоа останаа лидери на табелата со пет бода плус пред актуелниот шампион Шкупи. Чаирчани стигнаа до сигурен триумф од 3-1 против Скопје, а имаат и меч помалку од стружани со кој по слабиот старт на сезоната конечно може да дојдат на само минус два од лидерската позиција. Александар Васоски конечно победи и тоа со стил против хитот сезонава Силекс со убедливи 3-0. Со истиот резултат Тиквеш на домашен терен славеше против Работнички, додека Брегалница и Македонија ЃП во Штип одиграа без голови.
====================================
ИГРАЧ НА КОЛОТО: Христијан Малески (Струга ТЛ)
Струга ТЛ славеше во дербито на колото против Шкендија со 1-0. Победничкиот погодок го постигна младиот Христијан Малески кој одигра неверојатен натпревар кој го круниса со гол вреден три бода.
================================
ТРЕНЕР НА КОЛОТО: Срѓан Захариевски (Струга ТЛ)
По големата резултатска криза и петте натпревари во низа на кои не стигна до победа, Струга ТЛ на најдобар можен начин им се врати на победите и тоа со триумф во големото дерби против Шкендија (1-0). Дефинитивно покрај Малески најзаслужен за овој триумф е тренерот Срѓан Захариевски кој тактички одлично го постави својот тим.
==============================
ГОЛ НА КОЛОТО: Христијан Малески (Струга ТЛ)
Струга ТЛ славеше во дербито на колото против Шкендија со 1-0. Победничкиот погодок беше дело на Христијан Малески, а поради важноста на овој гол и повеќе од заслужено е избран за најдобар на минатата рунда.
View this post on Instagram
ЛИСТА НА СТРЕЛЦИ
==================================
ФОТО НА КОЛОТО: … ракија, Тиквеш, чаршија!
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
