Во насока на засилена промоција на фудбалската игра на домашната сцена, ЕКИПА со избор на најдобрите од секоја рунда натпревари од ПМФЛ. Покрај тимот на колото и најдобриот играч, ќе се обидеме да ви ги доближиме и сите најинтересни моменти од секое коло, низ една рекапитулација на настаните.

======================================================================================

ТИМ НА 19. КОЛО

Стартот на пролетниот дел од сезоната во целина ги донесе очекуваните резултати. Што се однесува до врвот, Шкендија и Шкупи уште сега најавуваат дека до крај ќе бијат битка за титулата. Вардар, и покрај сите проблеми, отворено покажа дека не треба предвреме да се отпишува, а вистински хит на стартот од пролетта е Беласица која под водство на Ѓоре Јовановски со 2-4 триумфираше на гостувањето против Ренова. Струмичани покажаа дека не планираат предвремено откажување од битката за опстанок.

ИГРАЧ НА КОЛОТО: Антонио Каланоски (Беласица)

Фудбалерот кој се издвои во првото пролетно коло од Првата македонска фудбалска лига. Со хет-трик донесе важна победа за Беласица на гостувањето против Ренова во Тетово. Трите гола заедно со Гуџуфи го издвоија како најзаслужните за извонредниот триумф на струмичани.

===================================================================================

ТРЕНЕР-ПРАГМАТИЧАР НА КОЛОТО: Ѓоре Јовановски (Беласица)

Поранешниот македонски селектор имаше повеќе од успешно официјално деби на клупата на Беласица. Искусниот стратег ја донесе неопходната свежина и квалитет во играта на струмичани, и неговата тактичка поставеност веднаш се забележа уште на првиот пролетен натпревар. Сега Беласица и тоа како е со дополнителен мотив за опстанок во лигата.

=======================================================================================

ТРАГИЧАР НА КОЛОТО: Марко Јовановски (Академија Пандев)

Голманот на Академија Пандев, Марко Јовановски е трагичарот на колото. На дуелот меѓу „пандевци“ и Работнички кој се одигра пред една недела, на снежниот терен и лошите услови за игра киксираше и таа грешка беше единствената причина за победата на „романтичарите“ во Струмица од 0-1.

=======================================================================================

ГОЛ НА КОЛОТО: Љупче Дориев (Шкендија)

Шкендија дојде до посакуваната победа на гостувањето против Силекс во Кратово. Тетовци славеа со пресврт (1-2), а вториот погодок беше дело на Љупче Дориев кој мајсторски погоди со глава од 15 метри…

========================================================================================

ФОТО НА КОЛОТО: Филип и Мартин – двоецот кој донесе позитивен резултат за Вардар