Ракометарите на Пелистер во рамките од петтото коло стигнаа до првата победа во плејофот, оставајќи го зад себе кризниот период со денешниот триумф над Охрид со 32-29.
Битолчани почнаа во грч, а охридскиот состав знаеше како да го искористи тоа и во раната фаза од натпреварот поведе со 6-10. „Пелистерци“ успеаја уште во првото полувреме да се стабилизираат и да стигнат до израмнување, па на одмор се замина со резултат 14-14. По израмнетите десетина минути игра од вториот дел, „зелено-белите“ го зададоа првиот удар, поведоа со 25-22, потоа и до 30-24, по што рутински го приведоа мечот до крај.
Чуриќ со девет гола беше главен адут на Пелистер при денешниот триумф, Орјоникидзе постигна шест погодоци, а Чантурија пет, додека во таборот на Охрид најефикасен беше Кобетиќ со девет гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
