Претседателот на Партизан, Остоја Мијаиловиќ, објави дека за неколку дена ќе ја преземе функцијата претседател на АБА лигата.
АБА лигата ќе претрпи промени, а по поразот на Партизан во првиот финален натпревар против Дубаи, претседателот на клубот, Остоја Мијаиловиќ, објави и испрати порака што може да се однесува на судењето за време на тој натпревар.
„За неколку дена ќе ја преземам функцијата претседател на АБА лигата. Еден од моите први приоритети ќе биде воспоставување на целосен интегритет на натпреварувањето. Сите оние кои ги ставаат своите лични интереси пред интересите на лигата ќе мора да ги сносат последиците. Ја градиме АБА лигата 25 години и нема да дозволиме никој да ја сруши“, напиша претседателот на Партизан.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
