Поради тешка повреда, сезоната заврши за бразилската ѕвезда во дресот на Пари Сен Жермен Нејмар.
Поранешниот лев бек на француската репрезентација и Баерн Минхен Биншент Лизаразу, смета дека ова може да биде предност за францускиот шампион во реваншот против Баварците во осминафиналето од Лигата на шампионите.
„Кога тројцата Меси, Мбапе и Нејмар играат заедно, многу пати не се враќаат да се бранат. Ова ги ослабува одбранбените механизми, па остатокот од тимот треба да трча многу повеќе. Само со Меси и Мбапе против Баерн, ПСЖ ќе биде поизбалансиран како тим, а играчите од средниот ред ќе работат помалку од вообичаено за да ја вратат топката. Целиот тим ќе биде посвеж“, вели Лизаразу.
Лизаразу со Франција беше светски првак во 1998 година и европски првак во 2000 година, а во Баерн помина девет сезони меѓу 1997 и 2006 година. Со германскиот клуб освои шест титули во Бундеслигата и Лигата на шампионите во 2001 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА