ПСЖ планира да се раздели со сите аргентински играчи во летниот преоден рок, со исклучок на напаѓачот Лионел Меси. Договорот на Анхел Ди Марија нема да биде обновен, а интерес на клубови од италијанската Серија А има за Леандро Паредес и Мауро Икарди, пренесува „L’Equipe“.
Анхел Ди Марија (34) за францускиот тим настапува од 2015 година. Напаѓачот постигна три гола и даде пет асистенции на 25 натпревари во сите натпреварувања оваа сезона. 27-годишниот Паредес му се приклучи на ПСЖ од Зенит во јануари 2019 година. На 22 натпревари оваа сезона, играчот од средниот ред постигна гол и даде две асистенции.
29-годишниот Икарди беше позајмен во ПСЖ од Интер во 2019 година, а една година подоцна беше откупен за 50 милиони евра. Напаѓачот постигна пет гола на 30 натпревари во сезоната.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА