Милан веќе подолго време го договара Ренато Санчез и го подготвува теренот за трансфер ова лето. Сепак, кога се чинеше дека конечно успеаја, наеднаш се појави ПСЖ, подготвен да плати повеќе и да им ја украде големата желба.
Француските медиуми тврдат дека Пари Сен-Жермен се пред договор со Португалецот Ренато Санчез, откако Милан понудиле само 15 милиони евра за фудбалерот на Лил.
Санчез веќе неколку недели се има договорено за личните услови со Милан, откако беше блиску до трансфер и во јануари, но италијанскиот шампион не планира да ги даде 30-те милиони евра кои ги бараат Лил. Поранешниот освојувач на наградата за најдобар млад фудбалер ја врати кариерата на вистински пат со Лил, но има договор само до јуни 2023 година, по што Лил решија да го продадат.
Според „РМЦ спорт“, новиот директор на ПСЖ, Луис Кампос, човекот кој работеше во Лил, има добри врски со поранешниот клуб и може да издејствува договор. За Милан пак, ова би било второ пропуштено засилување од Лил поради прениска понуда, откако се верува дека Њукасл дале двојно повисока понуда за дефанзивецот Свен Ботман.
🔴 Des négociations sont en cours entre le PSG et l’entourage de Renato Sanches. Le club de la Capitale vient de lancer l’opération pour s’attacher les services du milieu de terrain du LOSC. Les discussions progressent, avec à la manœuvre Luis Campos.
— RMC Sport (@RMCsport) June 18, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
