Францускиот првак Пари Сен Жермен ги одреди приоритетите за летниот преоден рок. Томас Тухел сака да ја засили одбраната со квалитетен фудбалер. Откако стана јасно дека Килијан Мбапе и Нејмар речиси сигурно ќе останат на „Паркот на принцовите“ и следната сезона, „светците“ се фокусираат на ангажман на дефанзивец. По разделбата со Тијаго Силва, потребен е нов фудбалер кој ќе може да влезе во ротација со Маркињос и Кимпембе.
Тухел побара од раководството на ПСЖ да го доведе Дајот Упамекано, дефанзивецот на Лајпциг. Германскиот стратег не може да ги чека исцерпувачките преговори со Аурелио де Лаурентис за Калиду Кулибали и одлучи да го има Упамекано во тимот за наредната сезона. Тоа би го чинело францускиот првак околу 60 милиони евра, а во трката се и англиските премиерлигаши Арсенал, Челси и Манчестер Сити и италијанскиот првак Јувентус.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА